ياعظيمه كل شين له حدود وله نهاية
لكن أنتي ما وقفتي عند حدك ياعظيمه
استلذيتي بطعناتي وآخذتيها هواية
كن مالك حربتن توجع وطعنات اليمه
آه ليتك ماتماديتي بطعنات البداية
لين صار لكل طعنه بالحشا معنى وقيمه
الله يبيحك ولكن كيف في اغرب رواية
تكتبين الحب كذبه والهوى دقه قديمه
وأنتي اللي كل مالدت عيونك في المرايه
ما لمحت ألا اليتيم إلى خذت قلبه يتيمه
واليتيمة في اليتامى مالها حق الوصاية
الوصية عودها الغض ونواياها السليمة
لكن أنتي صار لك حق الوصاية والولاية
واستبديتي وشدوا البدو واضحيتي مقيمة
ما رحلتي لين حطمتي بما فيه الكفاية
عاقل حب الجنون وصوت نارك في هشيمه
استبحتي حرمه المجنون باادراك وعناية
والتفتي له بعقلك وارتكزتي في صميمه
امتلكتي غايتة لو كان ماله فيك غاية
وانتصرتي في عيونه واعترف لك بالهزيمة
من كثر ما يعشقك ماقالك بالحب رأيه
خايف الأيام لاتطلع عواقبها وخيمه
في طريقك كل ماكنه لمس درب الهداية
تاه ودروب الحياة المستقيه مستقيمة
تايهن بصري ومن جابه لبيت الله تايه
عذر من غمض بعين وعينه الأخرى كريمة
فدوتك مافات من الأيام والي عاد جايه
يا بعد عمر مخا سيره معك عندي غنيمة
آنتي الفارع بقد وجد واسماء وكناية
من عشق مثلك يجوز من الهوى وشداد ريمه
ليه لا وأنتي بحسنك في ذوات الحسن آيه
لاذهب لاماس لاياقوت لاحجار كريمة
شاعر له مع هل الرايات في المر قاب رايه
كل ما هبت هبوبك فلها قدر وحشيمه
سامحك من ألف باء الذنب الى مالانهايه
واستباحك عن خطاه وكل طقه بتعليمه
ويوم قلتي اعطني حريتي أطلق يدايه
ما ذخر عن وجهك آلا طعنتين في صميمه
الشاعر / ضيدان بن قضعان
موضوع: ياعظيمة .......ضيدان بن قضعان 
الإثنين ديسمبر 28, 2009 6:58 pm
